పెసరపప్పు ఈజ్ నాట్ ఈక్వల్ టు కందిపప్పు.

నిన్న లంచ్ టైం లో యధాప్రకారం పంజాబీ ఆంటీ ఇచ్చిన పార్సెల్ తీసి ఆరగించేందుకు తయారు అవుతున్నా.
మెనూ ప్రకారం సోమవారం తూర్ దాల్ (కందిపప్పు), కాని మూత తీసి చూస్తే మూంగ్ దాల్ (పెసర పప్పు) ఉంది.
ఆవిడకు ఫోన్ చేస్తే, కందిపప్పు ధర పెరిగిందని ఇంక నుంచి పెసర పప్పు తో అడ్జస్ట్ అవ్వమని చెప్పింది. లేదు కందిపప్పే కావాలి అంటే రేటు ఇంకో పది ఎక్కువ అడిగింది. ఇప్పటికే 60/- ఇంకో పది అంటే గిట్టుబాటు కాదు అని ఊరుకున్నా.

సరే రూముకి వెళితే అక్కడ కూడా మనవాళ్ళు పెసరపప్పుతో దర్శనం ఇచ్చారు. విచారిస్తే, ౩ నెలల క్రితం కొన్న కందిపప్పు నిండుకుంది అని, ప్రస్తుత రేటు దృష్ట్యా పెసరపప్పు అనే బ్యాకప్ ప్లాన్ కు మైగ్రేట్ అయ్యామని చెప్పారు. చేసేదేమీ లేక నిట్టుర్చాను.